Gərginlik

Azərbaycanla Rusiya arasında AZAL-a məxsus təyyarəsinin keçən il dekabrın 25-də qəzaya uğramasından sonra gərginliyin artdığı bildirilir. Rəsmi Bakı Azərbaycandan "Rossotrudniçestva"nın tərkibində yer alan Rus Evini çıxaracağını bəyan edib. Üstəlik, Azərbaycanın diaspora qurumlarının bağlanmasını təklif edən rusiyalı deputat Nikolay Valuyev fevralın 10-da Azərbaycanda "arzuolunmaz şəxs" elan olunub. Bakı ilə Moskva arasındakı mövcud vəziyyətin nə qədər davam edəcəyini proqnozlaşdırmaq mümkün olmasa da, bəzi ekspertlərin fikrincə, gərginlik bir qədər şişirdilmiş şəkildə təqdim olunur.